بو چوخ سئوینمه لی دیرو سیزده ن ده تشکور ائلیرم کی بئله بیر فورصت یاراتتیز وائلییه بیلدوخ هامیمیز بیر آرادا دونیا قادینلار گونونده قادین مسئله سی حاققیندا دانیشاخ.اومید ائلیرم کی گون به گون قادینلارین دورومو هم دونیادا هم اؤز مملکتیمیزده داها یاخشی اولا و ائلییه بیلک بیزلرده بو گونده باشقا دونیا قادینلاری کیمین راحات و دردیسر سیز بیر آرایا ییغیشیب و بوگونوقوتلایاخ.
قادینلارین دورومو آذربایجان منطقه سینده کلی وضعده ایران قادینلارینین دوروموندان فرقلی دیر. او باخیش کی حاکمیتین قادینلارا قارشی وار بورادا فاضلاسیلا گؤرونور. قادینین رولونو یالنیزاونون جینستی تعیین ائلیر یعنی اونون آنالیق و همسرلیک نقشی آیری روللاریندان داها اؤنملی گؤرونور.
بو مسئله حتی مرد سالار نظامین اؤز همفکر قادینلاریندا دا کی عمومی صحنه لرده فعاللار گؤرونور.مثلا خانیم عشرت شایق کی تبریزین مجلس نماینده سی دیر بیر مصاحبه ده دییر:
من آنجاق او زمان سیاست عرصه سینه گیردیم کی اوشاقلاریمنان فیکریم راحاتلاشمیشدی. البته بو خانیمین سؤزونون دوزلوغونا شکله باخیلیر،.چون اونون سئچیم تبلیغاتیندا سایدیغی چالیشمالارینا باخیلیرسا بونلارین گرچک اولماسی ایچون اونون اوزون ایللربویونجا سیاست صحنه سینده فعال اولماسی گرکیر.
هدف بو سوزلری دئمکتن بودور کی بو قادینلار بیراولگو کیمین گؤرونمک ایستیرلر و بئله بیر اینانج یاراتماق ایستیرلر کی سیاست صحنه سینده اولان باشاریلی قادینلار اولویتی اؤنجه اؤز ائولرینه وعائله یاشاملارینا وئرمیشلر یعنی اول آنا و همسردیرلر سونرا مجلس نماینده سی ویا باشقابیر مقامدا لار.
مونو دا دئملییک هر یئرده کی بیر خانیم اؤنملی بیروظیفه بوینونا آلیراونا فرقلی گؤزله باخیلیرو اونون گؤردوغو ایشلردواملی کنترل آلتیندادیرو اگر او خانیم بونلار طرفیند ه ن بینیلمه ین بیر ایش گؤرورسه بو بیرخطا اولاراق دیرلندیریلیپ و اونون علیهینه قوللانیلیر.
هر وقت سؤز آچیلیپ کی نییه ۳۰ ایل انقلابدان گئچن ده ن سونرا بو سیستم باشاراماییب کیشی مودورو تربیت ائلدیغی قدر قادین مودورو تربیت ائلییه و نییه بیزیم عالی سطح ده گؤزه گلن ساییداقادینیمیز یوخدی تئز شایسته سالاری بحثی قاباغا چکیلیر، گینه بورادا گورونور کی بونلار بولن اولچویله بیزیم قادینلاریمیز بیر یئره چاتاماز و بو آزراخ قادین کی ایرانین ایندی کی سیاسی اجتماعی صحنه سینده ودولت بخشینده گؤرونور اؤز قادینلیخلاری ایچین دئییل بلکی مرد سالار نظاما تماما اویدوخلاری ایچون بو مقاما گتیریلمیشلر.بو خانیملارا توهین قصدیم یوخدور اما بونلارا وئریلن ارزش اوقدر دیر.
نمونه اولاراق آمارلار گؤرسدیر کی خدمات بخشینده خانیم ساییسی هر بیر یئرده ن چوخدور . انتظامی گوجلرده و سپاه دا یوخاری مقاملاردا مثلا فرماندهی درجه سی نده هیچ بیر خانیم گورونمور بو اورگانلاردا اولان قادینلارین هیچ بیریسی ستوان و سروان درجه سینده ن ایلر له یه مزلر، قانونی لحاظدان بلکی بئله بیرمانع یوخدور اما عمل ده بو ایلرله مه نین امکانی چوخ آزدیر. بوپست لاردا خانیملارین چالیشدیریلماسینین علتی بودور کی چون شرعی لحاظدان کیشی لرین خانیملارا دوخونماسی بونلارا گؤره گوناهدیر و هله اگر میللتین گؤزونون قاباغیندا بئله بیر شیئ اولورسا بونلارین اعتباری آرادان گئدیر خانیملاری بو یئرلرده بو منظورا استفاده ائلیرلر.
خاتمی زمانیندا بیر آز اومید یاراندی کی خانیملارین وضعی دوزلسین وبو یولدا بعضی چالیشمالاری دا اولدو اما بونلارین عمری آزدی و ریشه لنمدی.
ایندی آذربایجان دا ۲ خانیم واردیر کی مدیران سطحی نده ایلرله مه شانسلاری اولوپ، بیری خانیم شاییق مجلس نماینده سی دیر او بیری خانیم پیر سمساری ، استاندار مشاوری دیراما بونلارین فعالیتلری مرد سالار نظامین تعیین ائله دیغی چرچیوه ده دیر .خانیم سمساری دولتین اویقولادیغی طرح رحمتین مجری سی دیر. بو طرحین اصلی هدفی خانیملارا قرآن و احکام درسی وئرمکتیر یعنی ائله او ایش کی اوزون ایللردیرتبلیغات اسلامی و بسیج حوزه سین ده گورولور اما هیچ بیرنتیجه ده آلینمیر. بو خانیم قادین مسئله سیله هیچ ایلگیلنمیر.
خانیم شایق ده ۴ ایللیک مجلس نماینده لیقیندا خانیملارین دورومونون دوزلمه سی ایچین گؤزه چارپان بیر ایش گؤرمه ییپ.
دئدیگیم کیمین آذربایجاندا دوروم هر یئرده ن داها آجیخلی دیرو اویقولانان محدودیتلر داها چوخ دور. بونظام بیر سنتی نظام دیرواونون کارگزارلاری دا سنتی انسانلارلارو بورانین خاص قومیتینین فرهنگی اونلارا تانیدیخ دییل و برنامه ریزلیخلاری دا بوندان چوخلی متاثر اولموش.
اؤنملی بیر نقطه ده غیر دولتی بخشینده قادینلارین حضورونون گؤرونمه سی دیر کی ایندی آذربایجان منطقه سینده گیت به گئت چوخالیر و بو چوخ اؤنملی بیر گلیشمه نین خبرچی سی دیر.اونا گؤره حاکمیت بوندان چوخ نگراندیرو بو قادینلارین حرکتی نی آرادان آپارماخ و بو گیدیشاتا انگل اولماخ ایچین الینن گلنی ائلیر،اونلارا قورخو دولو و امنیت سیز بیر فضا یارادیر کی هیچکسین جرأتی اولماسین او اجتماعی عرصه لرده کی نظامین منفعتلرینه خطریارادیلیر فعال اولسون.
ایکی ایل دی ۸ مارت برنامه سینین قاباغین آلیرلار بوایل ده بئله گؤرونور کی بو قوتلامالارین قاباغی آذربایجاندا آلینمیش و قادینلار گونوبرنامه لری لغو اولموش.بو مونو گؤرسدیر کی آذربایجانداقادین مسئله سی ده نظامین امنیتینی خطره سالان بیرمسئله یه تبدیل اولونوپ. و مونو دا تأکید ائله مک ایستیروخ کی بو قادینلار آیری غیر فارس قادینلاری کیمین ایراندا دؤردومونجو درجه لی همشهری گؤرونوپ و بیر چوخ امکانلاردان کی تأسفله بورادا سایماق مومکون دییل محروم قالمیشلار